Vélfang ehf. hefur opnað nýtt og fullbúið þjónustuverkstæði að Gagnheiði 32 á Selfossi. Með opnuninni stígur fyrirtækið markvisst skref í átt að enn betri og hraðari þjónustu við viðskiptavini á Suðurlandi, þar sem eftirspurn eftir sérhæfðri þjónustu við landbúnaðar- og vinnuvélar hefur farið vaxandi.
Verkstæðið er hannað til að mæta kröfum nútímans um skilvirkni, hraða og fagmennsku, og er búið til að sinna bæði reglubundnu viðhaldi og flóknari viðgerðum á fjölbreyttum tækjabúnaði.
„Þetta er mikilvægur áfangi í uppbyggingu Vélfangs. Með verkstæðinu á Selfossi erum við að færa þjónustuna nær viðskiptavinum okkar og stytta viðbragðstíma verulega. Markmiðið er einfalt – að halda vélum gangandi og lágmarka stöðvunartíma,“ segir Eyjólfur Pétur Pálmason, framkvæmdastjóri Vélfangs ehf.
Yfir rekstri verkstæðisins á Selfossi hefur Jón Ingvason umsjón. Hann býr yfir víðtækri reynslu og þekkingu á sviði þjónustu og viðhalds vinnuvéla og mun leiða áframhaldandi uppbyggingu þjónustunnar á svæðinu.
Vélfang leggur ríka áherslu á persónulega og áreiðanlega þjónustu og er opnun verkstæðisins liður í þeirri stefnu að styrkja þjónustunet fyrirtækisins um allt land.
Viðskiptavinir geta haft samband og pantað þjónustu með eftirfarandi hætti:
📧 Netfang: jon@velfang.is
📞 Sími: 767-8403
📧 Almennar verkbeiðnir: verk@velfang.is
